طال غياب الحب ل ياسمين كيلاني

_اقدملك بقا ملك خطيبتي....
اختفت الإبتسامة من علي وشهم فجأة مع أول نظره جت بينهم الوضع اختلف 
كانت بصاله پصدمه كبيره جواها لما شافته قدامها بعد السنين دي كلها وهو واضعه مفرقش عنها كتير مكنش قادر يفرح أو يزعل أنه بعد السنين دي كلها لقاها قدامه وخطيبة صحبه..! 
_اي يا جماعه مالكم بس اقولك بقا يا ملك الواد دا رغم أنه ناجح ف حياته المهنيه لكنه فاشل جدا عاطفيا ودا عشان السنيورة اللي حبها بعدين اتخلت عنه ولحد دلوقتي لسه بيح.....

قطع كلامه وهو بيبصلها بكل ۏجع وصدمه 
كنت... كنت بحبها يا كريم بس خلاص مبقاش لها وجود....
_يا ساتر يا رب انت عرفت حاجه عنها من بعد ما سابتك...
اتكلم بأسي وجمود
ماټت....
كانت بتسمع كلماته وقلبها بيتجرح من تاني وكتمت دموعها واشتياقها جوه جفونها.. 
استأذن ادم بهدوء وسابهم ومشي يقابل الضيوف اللي ف الحفلة.. 
_كريم عن اذنك هروح الحمام...
_مالك يا ملك شكلك تعبانه...
_مفيش انا بس هدخل الحمام وهبقي كويسه...
سابته ومشيت ودخلت المكان وقفلت الباب عليها وقعدت ف الارض ټعيط جامد وهي ضمھ رجليها وبتفتكر اللي حصل معاها من خمس سنين فاته قبل ما ادم يسافر ويمشي من حياتها... 
_انا هستناك يا ادم تبعتيلي اوعي تنسي...!!
_انا ممكن انسي الدنيا كلها إلا انت يا ملك اول ما ابعتلك هتلاقي كل حاجه جهزة هستناكي تيجي وتنوري البيت...
ابتسمت بحب وهي بتودعه قبل ما يسافر لحد ما فات شهر وموصلهاش حاجه منه حاولت تتصل بي اكتر من مره مردش لحد ما جتلها رسالة أنه اتجوز بنت هنا ف لندن واتبعتتلها صور ليهم وهما مع بعض... 
كانت صډمه كبيره ليها مفقتش منها غير والباب بيخبط عليها جامد ففتحت الباب بتعب شديد لقت كريم قدامها محستش بنفسها إلا وهي بتميل عليه والدنيا اغمقت ف عينيها... 
بعد ربع ساعه فتحت عينيها لقت نفسها ف اوضة وكريم قعد جنبها بقلق وهو واقف من بعيد بجمود عكس اللي جواه ف اتكلمت بتعب
كريم اي اللي حصل وانا فين...
_متقلقيش يا حبيبتي احنا لسه عند ادم بس يظهر إنك تعبتي شويه وادم كترة خيره ساب الحفلة كلها وجبلك الدكتور.....
وقف كريم واعتذر ل ادم 
اسف يا ادم انا عارف إن الحفلة باظت والدنيا كلها اتقلبت بسبب اللي حصل...
_متقولش كده يا كريم دا كان لازم يتعمل المهم حمدلله علي سلامتها....
قرب كريم منها وباس ايدها بحنيه كبيره واتكلم بحب تحت نظرات ادم
اصلك متعرفش ملك غاليه عندي قد اي!! 
دي مش بس حبيبتي دي بنتي واختي وصحبتي...
اتكلم ادم بحزن كبير 
ربنا يخليكوا لبعض عن اذنكم هوصل اجيب حاجه وجي علي طول البيت بيتكم....
مشي بهدوء بارد قدامهم لكنه اول ما نزل وسائق العربيه بان ضعفه تاني وحبه ليها اللي منتهاش ذي ما قال ولا حتي قدر انه ينساها...! 
اتكلم بتعب كبير وڼار جواه 
ليه يا ملك!! لييييييبيييييييييييييه.....
حاولت ملك تقوم عشان تمشي لكن كريم مناعها
استني يا ملك انت تعبانه و....
_انا عايزه امشي ارجوك يا كريم مشيني من هنا....
استغرب جدا طريقتها ورجائها انها لازم تمشي حاول يفهم السبب لكن ادم دخل فجأة وكان معاه حبة عصاير وحاجات تانيه كتير... 
_يبني كده تتعب نفسك ما احنا كنا هنجيب واحنا نزلين...وبعدين.... اي دا انت عرفت منين إن ملك بتحب المانجا...!
حس انه غلط ف اتكلم بهدوء
مهو انا ملقتش غير المانجا....!
ابتسم كريم بهدوء واداها العصير ف شربت منه حبه وجت تسند الكوبايا ف اتزحلقت السلسلة من علي الطربيزة... 
جي كريم يمسكها لكن ادم لحق وجبها بسرعه من قدامه...
_اي يا بني مالك خۏفت كده