سمارة الفصل الاول ل فاطيما يوسف
بعد ما كنت بتتمني لي الرضا ارضى
اتدلعت سماره عليه وهي بتحاول تبعد عنه هي ليها غرض في دماغها عايزه توصل له ومصممه عليه مش تتنازل عنه ابدا
والله شكلك انت اللي شفت لك شوفه عيله اسكندرانيه لعبت في دماغك ونسيتك سماره ولياليها وايامها وخليتك ما بقتش تحبيني زي الاول ولا تتمنى وجودي معاك .
حاول يشدها من ايديها وهي لسه بتتمنع
مثلت سماره الزعل وهي بتدلع عليه علشان تجننوا اكتر
في انك معلقني معاك بقى لك خمس سنين بدلعك فيهم وبسطاك وبعمل لك اللي ما فيش واحده في اسكندريه كلها تعمله لك وفي الاخر بقول لك تكتب عليا ولو في السر ومش راضي يبقى زي ما ما دخلنا بالمعروف نخرج بالمعروف وانت من طريق وانا من طريق .
ده انت الظاهر في حد لعب لك في صواميل مخك يا سماره وهتبقي الجانيه على روحك لو قلت الكلام ده تاني انت بتاعتي وملكي وما فيش راجل هيلمسك بعدي زي ما فيش راجل لمسك قبلي ده انا اللي نظفتك وخليتك ليكي شكل ومنظر وبعد ده كله عايزه تسيبيني .
هو انا بمزاجك تعمل اللي على كيفك معايا ولعلمك بقى انا حلوه والف مين يتمناني وهبعد عنك وهوافق بعريس مين اللي بيجولي وهحرق قلبك عليا طالما انت مصمم على اللي في دماغك وبتمشي ورا كلام امك الست الهانم اللي عايزه تجوزك على كيفها ومفكرني نايمه على وداني .
وماله ما انا مسيري هتجوز في يوم من الايام واحده برنسيسه تمشي جنبي هو انت مفكره اني هفضل من غير ست تنكتب على اسمي ومن غير عيال امال مين اللي هيورث العمارات والفدادين واملاكي اللي ملهاش اول من الاخر بس ايه حوار اني اتجوز بعلاقتي بيكي
ليه هو انا برده مش مسيري في يوم من الايام هتجوز وهيبقى ليا بيت وعيال ولا انت مفكرني هفضل عشيقتك في السر من ورا اهلي فوق يا نعمان قبل ما اضيع من ايدك وبدل ما تروح تجيب واحده تكتبها على اسمك انت ممكن تلمعني وانت عارف اني هبقى احلى من اي واحده هتجيبها وهليق بيك وتقدمني للست امك وانت مش هتغلب لكن انا مش هفضل عشيقتك في السر .
ده انت ضيعتي لي الدماغ اللي انا كنت عاملها وكنت ناوي اظبط لك دماغك انت كمان النهارده بس انت وش فقر وطالما انت عايزه تتخانقي بلاها دلع وفرفشه ونتخانق
مسك في كلامها الاخير وهو بيذلها عشان يفكرها باصلها وتبطل تقول له هتجوز
جواز مين اللي انت هتتجوزيه يا بت انت هو ابوكي طايقك اصلا ده انت بيشوفك الراجل رايح والراجل جاي وانا اللي طلعتك من
