روايه ل ساسو
للاجتماع دا لان المشروع دا هينقلهم نقله تانيه خالص رغم ان ليهم اسمهم ووضعهم الا ان المشروع دا هينقلهم نقله تانيه صحي من نومه متستجعل قام اخد حمام سريع ولبس هدومه كانت عباره عن بدله رماديه شيك جدا وقميص ابيض ساب اول زرارين منه مفتوحين رش عطره المميز بص لنفسه في المرايا وابتسامة رضا علي وشه وشعور غريب سيطر عليه ميعرفش ايه السب شاف انعكاس صورة ولاء اللي نايمه وڠرقانه في النوم ولا علي بالها شعور بالندم والضيق سيطر عليه وبيسأل نفسه ليه
وصل اخيرا الشركه ودخل مكتبه يستعد للاجتماع دخل كريم عنده وقعد قصاده وبصله
انت عرفت اسم المهندس اللي هيمسك معاك المشروع
هز كريم راسه بهدوء وبيكلم نفسه
ربنا يستر وميكنش اللي في بالي
دخلت نرمين تبلغهم ان الاجتماع هيبدا كريم وقف
انا هسبقك هات الورق وحصلني
سابه يجهز نفسه خلص وخرج وراح لقاعة الاجتماعات وفتح الباب واتجمد مكانه
الفصل الثالث
بتعملي ايه هنا ياسيلا دا مش وقت زيارات ومقابلات
رفعت حاجبها بتهكم وردت ببرود مماثل لبروده
وحد قالك ان انا جايه زباره دي شركتي اجي وقت ما احب
سيلا هترجع تشتغل في الشركه وبما انها مهندسه ودرست زدمشروع وابعاده فاهي اللي هتمسك معاك المشروع
دا غير انها مديرة المشروعات هنا
ادهم پغضب نعم بتقول ايه علي چثتي تمسك معايا المشروع المشروع مش للعب
سيلا اتغاظت من جملته الاخيره
بصفتك ايه سيادتك
ادهم ببرود وجمود بصفتي المدير التنفيذي لشركه ياحلوه
ادهم وقف پغضب وبعصبيه
اظاهر انك اټجننتي وريني هتعمليها ازاي ياسيلا وبلاش تتحديني لانك هتخسري
بص لابوه وكمل پغضب
انا مش معترض انها تشتغل معانا بس المشروع دا لا المشروع دا انا اللي همسكه وخلص الكلام
نادر بهدوء طب اقعد واهدا واسمعني ادهم اقعد
اديني اتزفت اتفضل سمعني بس مش هغير قراري
تنهد نادر بهدوء انت مش ملاحظ ان انا موجود والقرار في ايدي انا سيلا لازم تمسك معاك المشروع دا
وبدأ يشرح لادهم السبب مع ترقب كريم وسيلا وبعض موظفين الشركه
سيلا دراسه امشروع دا وعرفت ابعاده كلها دا غير انها درست كراسة الشروط دا غير انها اللي اقترحت المشروع دا من البدايه
ادهم بصله بااستغراب نادر كمل
طبعا كلنا عارفين ان سيلا مسكت الفرع اللي في السويد ولان الفرع دا كنا ناوين نبيع الاسهم بتاعته بس سيلا اصرت تمسكه وطبعا اثبتت جدرتها والفرع اصبح من احسن الشركات في المنطقه واتقدم جدا الشركه الالمانيه اللي عرضت المشروع دا
قطعت سيلا كلام نادر وكملت بهدوء
وبما ان هنا الام والمشروع دا مش بس هيفيد فرع السويد دا هيفيد الجروب كله علشان كدا اقترحت علي عمي ان المشروع دا يكون اساسه هنا مش في السويد لان جميع امكانياته هنا
كمل نادر علشان كدا قدمنا اننا هنشارك في المشروع وعلشان نكون قد المشروع دخلنا شريك تاني معانا
سيلا بااستغراب شريك عمي المشروع دا احنا نقدر عليه ليه تدخل شركه تانيه
نادر ابتسم وبص لادهم اللي دور وشه
لبعيد فنادر اتكلم بهدوء
كان لازم اختارها هي تكون معاك علشان افكاركم واحده
سيلا بااستغراب برضه مش فاهمه
هنا كريم اتكلم اللي كان قاعد ساكت ومتابع بصمت
ادهم رفض ان يكون في شريك معانا في المشروع بس لما درست انا وعمي المشروع لقينا ان لازم ندخل شريك معنا والشريك مش غريب
ادهم بسخريه وسيادته لسه مشرفش مكملش جملته والباب اتفتح ودخل شاب طويل يشعره البني الكثيف وعيونه الرماديه
اسف علي التأخير ورفع نظره لسيلا وكمل
مش معقول مش تقولو ان في قمر هنا
قرب منها ومد ايده امجد الصايغ صاحب شركة الصايغ حللمقولات
سيلا بصت لايده وبعدها بصتله وبدون ماتمد ايدها
مدام سيلا التهامي بنت خالة ادهم
امجد رجع ايده بحرج وقعد جمب ادهم بون واعي ظهرت الابتسامه علي وشه اول ماسمع كلمة مدام وانها ممدتش ايديها وسلمت عليه
امجد بإحراج بس مش شايف اي دبله جواز في ايدك ولا انتي من النوع اللي مش بيلبس خواتم يعني
سيلا ابتسمت باقتضاب وببرود عادي بس
انا مطلقه
امجد بفرحه مقدرش يخفيها
غبي اللي يسيب واحده زيك في جمالك
سيلا
ابتسمت وبصت لادهم ومردتش
ادهم ضړب بكف ايده علي التربيزه وبصله پغضب وغيره معرفش يداريها
المسائل الشخصيه دي علي جمب ونبدأ نتزفت نشتغل
وبص لسيلا پغضب و بدؤ فعلا يتنقاشو وسيلا بدات تشرح وجهة نظرها في المشروع وادهم ڠصب عنه اعجب بفكرها جدا وفرح ان تعليمه ليها مرحش هدر
ساسوو
بعد ساعتين خرجو كلهم من قاعة الاجتماعات وراحت سيلا اوضتها ومعاها نادر اللي اول مادخلتها اتفجأت بمنظرها نادر بفرحه انه عمل كل اللي هي بتحبه وحرص انها تكون اوضتها القديمه
سابها وخرج وهي قعدت علي مكتبها مبسوطه وفرحانه انها في مكان واحد مع ادهم رغم الخلاف اللي بنهم بس بترتاح جدا لما تكون معاه بدات تشتغل وڠرقت في الشغل
عند ادهم دخل مكتبه وكان متعصب جدا دخل وراه كريم وفضل يبصله وهو بيلف رايح جاي ادهم بصله پغضب
كنت عارف صح
كريم بهدوء اقعد كدا واهدا كنت عارف انها راجعه بس موضوع تمسك المشروع لاء بس كنت شاكك
ادهم پغضب ابويا بيلوي دراعي
كريم بصله بهدوء انت معترض ليه انت عندك شك في قدراتها دي تلمذتك ياادهم
ادهم بنرفزه عارف انها زفت ممتازه وناجحه في شغلها جدا بس المشروع دا لاء ياكريم دا بالذات لاء
كريم بهدوء ليه ياادهم علشان امجد الصايغ صح
ادهم بصله كتير وماردش عليه فاكريم كمل
لسه بتحبها ياادهم وغيران عليها السؤال بقا
لماانت بتحبها ليه طلقتها ياصاحبي عن اذنك
سابه وخرج وهو قعد مكانه بيسأل نفسه ليه فعلا طلقها ليه مستناش لما يسمعها يمكن فعلا لو كان سمعها ماكانوش وصلو للمرحله دي مش دي ابدا سيلا اللي رباها وكبرها والف سؤال وسؤال بيدورو في راسه
ساسوو
سيلا في مكتبها والباب خبط عليها وكان امجد استغربت وجوده بس سمحتله يدخل امجد دخل وقعد قصدها
قلت اجي اباركلك علي المكتب الجديد
سيلا بهدوء متشكره لزوق حضرتك ياستاذ امجد
امجد بابتسامه امجد مش بنا الالقاب ولا ايه
سيلا باقتضاب لا بنا يااستاذ امجد وياريت مترفعش الالقاب لان اللي بنا شغل وبس
امجد باحراج اه طبعا انا بس كنت حابب اننا نكون اصحاب خصوصا اننا طلعنا معرفه
رفعت حاجبها بااستغراب قطع حديثهم دخول دعاء اللي اول ماشافت امجد استغربت بس معلقتش سلمت عليه وهو استأذن وخرج واول ماخرج دعاء بصت لسيلا بااستغراب
دا بيعمل ايه
