نواره بين الالم والامل ل فاطيما الفصل الاول للفصل الثالث

همام اني في ورطه وان ما كنتش تقف جاري هضيع منك وامي هتجوزني لابن صاحبه البيت اللي هتشتغل عنديه ارجوك يا همام هات ابوك وامك وتعالى اتقدملي امي مقندلاني في عيشتي ومورياني المرار كلاته 
كيف اكده هي بيعه وشړوه ولا ايه ولا أمك الفيلا والفلوس خلوا عينيها تزوغ واتجوزك لاي واحد والسلام 
كانك تعرف فواز ابن الست هنيه 
ومين في عزبه الصعايده كلاتها ما يعرفش فواز ابن الست هنيه يوبقى ايه دي اشهر من الڼار على العلم ما تقلقيش ما ينفعش تتجوزيه ومفيش مأذون هيرضى يكتب كتابك على العبيط دي 
اسكت يا همام انت ما تعرفش الست دي قويه كيف وتقدر تعمل اي حاجه دي المأمور والقسم كلاته هيضربوا لها تعظيم سلام ومحدش هيقدر يكسر لها كلمه اني هضيع منك يا همام لو ما جيتش وطلبتني من امي 
بلع ريقه پخوف من كلامها و هو هيطمنها 
طب خلاص خلاص يا نواره ما تبكيش عادي يا بت الناس دموعك هتقطع في قلبي اني هروح اقول لامي النهارده واللي فيه الخير يقدمه ربنا بس ما عايزكيش ټعيطي يا حبيبتي 
قدر همام يهديها وروحت بسرعه قبل امها ما تكتشف ان هي خرجت وفعلا ما عرفتش اما همام راح لامه وهو هيطلب منها 
اني ياما عايز اتجوز ورايد الحلال وعايزك تاجي وياي تطلبي لي العروسه من امها 
هللت ام همام وهي فرحانه ان ولدها عايز يتجوز 
يا الف نهار ابيض دي اني اروح على رموش عينيا يا ولدي قول لي مين اللي عليها العين والنيه اللي خطفت قلب ولدي همام زينه شباب عزبه الصعايده كلاتها 
همام فرح من رد فعل امه وعلى طول قال لها 
وهي كمان يامه زينه بنته عزبه الصعايده كلاتهم اسمها نواره بنت ازهار انتي هتعرفيها اللي جارنا في الشارع اللي ورانا وكانت صاحبه اختي مجيدة 
ضړبت ام همام على صدرها وهي هتستنكر كلامه 
نوارة مين يا عنيا اللي عايز تتجوزها !
انت تقصد نواره بت الخدامه ازهار اللي هتشتغل عند هنيه المفتريه !
دي بعدك ونجوم السما اقرب لك ما بقاش الا دول كمان واخش بيتهم واخطبهم لولدي الوحيد اللي هيبقى محاسب كد الدنيا وأبوه حداه اطيان ما يحلموش يبصوا عليها على مدد البصر 
طب والجواز ماله ومال الاطيان والفلوس والحاجات دي يا اماي اني هحبها ورايدها وما كنتيش تجوزيها لي ما هتجوزش غيرها 
وحلفان على حلفانك يا همام لو عشت العمر كلاته جاري من غير جواز ما هتتجوزش بت الخدامه فوفر كلامك على نفسك واوعاك تجيب سيرته قدام ابوك لحسن يطخك عيارين ويخلص منك ومن هبلك والكلام دي ممنوع الكلام خالص بعد النهارده فيه عشان ما هيحصلش 
قفلت قصاده كل البيبان اللي ممكن تخليه يتجوز حبيبته وسابته وقامت وهي هتشد جلابيتها وطرحتها على راسها وراحت على بيت ازهار وهي هترزع على بابه لحد ما الجيران حواليهم خدوا بالهم واول ما فتحت لها الباب زقتها ودخلت وهي هتعلي صوتها والشرق والغرب يسمعوا اللي هتقوله وجرستهم في العزبة كلاتها وبقت فضحيتهم على عينك يا تاجر 
يا اهلا بام البنات اللي مسرحه بناتها اللي مخلفاهم على شباب العزبه
كلاتها يعملوا ما بدالهم بدل ما تلميهم حواليكي وتعلميهم الادب وانهم يعرفوا حجمهم وما يبصوش لاسيادهم يا ازهار 
ازهار كانت مستغربه من دخلتها عليهم ورزعها على الباب وكمان صوتها العالي والناس هتسمع فبتمسكها من يدها عشان تهديها ويعرف يتكلم وتفهم منيها 
جرى ايه يا ام همام داخله علينا اكده لا احم ولا دستور حوصل ايه عشان تاجي تخبطي على الباب وتكلمينا بالعين والحاجب وتسمعي بينا الخلق عايزه تقولي كلمتين ادخلي البيت من بابه واقعدي كيف الخلايق ضيفه معززه مكرمه وقول اللي هتقوليه واني هرد عليكي لازمتها ايه الفضايح لي ولبناتي اللي كافيين خيرهم شرهم وما هيخرجوش من بيتهم واصل ولا حد هيلمح طرفهم 
هاهاها والله ضحكتيني يا أزهار بناتك ايه المحترمين المتربيين اللي هيخرجوا ويقابلوا الشباب بره ويصطادوهم ومفكرين ان هم هيبصوا لاسيادهم بلغي نواره بتك ان همام ولدي زينه شباب عزبه الصعايده عمره ما هيفكر يبص لبت الخدامه ولا هياجي يتقدم لها وقولي لها إن ضحكها ومياعتها وهي هتقابل ولدي كل يوم والتاني مهتخيلش عليا 
بقول لك ايه يا وليه هما خدوهم بالصوت قبل ما يغلبوكم ولا ايه خلي ولدك النغة جارك يا اختي اني بتي نواره اتخطبت خلاص لفواز ابن بدران معلم عزبه الصعايده كلاتها اشبعي بولدك واياكي تجيبي سيره حد من بناتي على لسانك تاني طول عمرك هتغيري مني ومن بناتي علشان ما عرفتيش تجيبي صبايا كيفهم ودلوك جايه تفرجي علينا الخلق اني وبناتي عشان تعملي لنا سمعه حسبي الله ونعم الوكيل فيك يا مره يا ناقصه 
كل ده ونواره واقفه هتلطم على وشها وعينيها تسح بدل الدموع ډم وهي اتفضحت في الحته كلاتها من حبيبها وامه اللي امنته على نفسها وكانت هتخرج من ورا امها في الاخر بعت امه فضحتها قدام الخلق كلهم هي واخواتها البنات اللي ما لهمش ذنب وكمان لبست جوازه فواز وهي ما هتقدرش تفتح بقها بكلمه 
اما ام همام لفت عبايتها حواليها وقبل ما تخرج حړقت ډم ازهار 
هغير منك انت يا خدامه يا اللي هتشتغلي في البيوت كانك ما انتيش شامه ريحتك يا أزهار 
ازهار ردت عليها قبل ما تخرج وهي هتكسفها قدام الخلق كلاتهم 
كويس انك نطقتيها ازهار يعني ريحتي من الورد على اسمي دوري على نفسك انتي يا مقشفه 
بقى اني مقشفه يا خدامه البيوت والله عال ما بقوش الا اللي يمسحوا الجزم لينا يتفردوا ويتنوا كمان ويطلع لهم حس اني ماشيه من البيت النجس دي وقولي لبتك ما تستناش ولدي اني هختار له عروسه زينه بنات الصعايده كلاتهم 
مع السلامه يا اختي انتي والحيله ابنك ما تقطعيش الجوابات وتبقى قابليني لحد رضي بابنك المقيح المقشف اللي شبهك 
مشيت من قدامها والناس هتشدها بعد ما عملت لهم ڤضيحه في العزبه كلاتها والناس واقفه هتتفرج عليهم فزعقت ازهار بعلو صوتها 
جرى ايه يامره منك ليها واقفين تسمعوا ايه وتتفرجوا على ايه بدل ما تيجوا تدافعوا عني وعن بناتي سايبين اللي تسوى واللي ما تسواش تجيب في سيرتنا حسبي الله ونعم الوكيل فيكم كلاتكم واللي هيجيب سيره بناتي بكلمه واحده هقطع له لسانه 
وقفلت الباب في وشهم ودخلت بيتها بغل وجابت بنتها من شعرها على اخر اوضه في البيت بعيد عن الشارع عشان ما حدش يسمعهم ونزلت عليها ضړب مۏت لحد ما ورمت لها
وشها ومهما اخواتها يحوشوا عنها ما قدروش 
بقى انتي على اخر الزمن الناس كلاتها في عزبة الصعايده ما سمعتش صوتي واصل تروحي تقابلي رجاله وتخلي امه تاجي تعمل فيا اكده قدام الخلق وتبوظي سمعه اخواتك وسمعتك بعد ما شقيت عليكم عمري كلاته اعملي حسابك جوازك من فواز ابن الست هنيه الخميس الجاي وحذاري تفتحي خشمك 
اما عند هنيه